Gizartea -
Helikopteroz
Mendizale gipuzkoar bat erreskatatu dute Hiru Erregeen Mahaian
Txangozalea, 34 urtekoa eta diabetikoa, hipergluzemiak jota topatu dute.
Erredakzioa
Mendizale bat erreskatatu behar izan dute arratsaldeko lehenengo orduan Hiru Erregeen Mahaian, Isaban, Nafarroako Gobernuak zabaldu duenez.
Txangozalea ondoezik sentitu da eta Nafarroako Larrialdi Zerbitzuko helikoptero batekin erreskatatu dute. Guardia Zibilaren arabera, hipergluzemiak jota topatu dute txangozalea.
34 urteko aretxabaletarra da, K.O.J., diabetikoa, eta 13:10ak aldera abiatu dira larrialdietarako zerbitzuko kideak mendira.
Guardia Zibiletik jakinarazi dutenez, mendizalea bakarrik zegoen eta berak eman dio abisua SOS Nafarroa zerbitzuari.
Hau zure interesekoa bada, baliteke beste gai hauek ere izatea