Gizartea -
Zoritxarreko ezbeharra Coxen
Zortzi pertsona hil dira istripu batean, Alacanten
Hiru gizon, hiru emakume eta bi ume hil dira istripu batean, A-7 autobian, Coxen. Kamioi batek furgoneta baten aurka talka egin du.
Erredakzioa
Zortzi pertsona, hiru gizon, hiru emakume eta bi haur, hil dira arratsaldean Alacanteko A-7 autobian, Coxen. Kamioi batek furgoneta baten aurka talka egin du. Furgonetak su hartu du eta suteak ibilgailua kiskali du.
Hildako guztiak furgonetan zihoazen eta kamioiaren gidaria zauritu da. Alkoholemia eta drogen kontsumoa atzemateko probak egin dizkiote kamioilariari, baina negatibo eman du, Guardia Zibileko iturriek jakitera eman dutenez.
Ezbeharra 16:40 aldera gertatu da 543. kilometroan, Coxen. Plastikozko hodiak zeramatzan kamioiak eta furgonetak aurrez aurre talka egin dute. Istripuaren ondorioz, bi ibilgailuak autobiatik atera eta isurbide batera erori dira.
Gainera, hildakoen furgonetak su hartu du eta kamioiaren eta lubakiaren horma baten artean harrapatuta geratu da. Kamioilaria Orihuelako (Alacant) Vega Bajako ospitalera eraman dute.
