Gizartea -
Ezbeharra Bizkaian
15 urteko mutil bat hil da Galdakaon, moto istripuan
Ezbeharra Bekea industrialdean gertatu da. Beste gazte bat zauritu da.
Erredakzioa
Hamabost urteko motorzale bat hil eta beste bat zauritu da, motorrak kamioi baten kontra talka eginda. Ezbeharra Galdakaon (Bizkaia) gertatu da, Ertzaintzak jakitera eman duenez.
Gertakaria 15:45ean jazo da Galdakaoko Bekea industrialdean. Talkaren ondorioz, motorrak su hartu du eta suhiltzaileek itzali behar izan dute.
Zauritu bat Galdakaoko ospitalera eraman dute, eta bestea Gurutzetara, baina azken hori hil egin da.
