Gizartea -
Droga-trafikoa
127 kilo kokaina atzeman dituzte Espainiako Armadaren belaontzi batean
'Juan Sebastian Elcano' eskola-ontzian atzeman dute droga, hain zuzen ere. Hiru pertsona atxilotuta daude.
Erredakzioa
Guardia Zibilak 127 kilo kokaina atzeman ditu Espainiako Armadaren Juan Sebastian Elcano eskola-ontzian, Cadizen egindako miaketa batean.
Uztailaren 14an, ontzi militar horretako hiru tripulatzaile atxilotu zituzten, Kolonbiatik New Yorkera droga eramatea egotzita.
Atxiloketa horien ondorioz, miaketa sakonak hasi zituzten, droga bila. Horietako batean, 127 kilo kokaina aurkitu zituzten ontzi barruan.
Juan Sebastian Elcano ontzian Maringo (Pontevedra, Galizia) Itsas Eskolako ikasleek ikasten dute.