Gizartea -
Sugea Asparrenen
Suge batek hozka egin dio gazte bati, Asparrenen
Gaztea helikopteroz Gasteizko Txagorritxuko Ospitalera eraman dute. Marroi koloreko sugeari argazkiak atera dizkiote, eta ziur asko, medikuentzat lagungarri izango da gaztea sendatzeko.
Erredakzioa
29 urteko gazte bat helikopteroz Gasteizko Txagorritxuko Ospitalera eraman dute Asparrenen (Araba) suge batek kosk egin eta gero.
Arratsaldeko 16:15ak aldera jaso du Segurtasun sailak abisua.Telefono dei batek jakitera eman die gazte bat zurbil eta indarrik gabe zegoela suge batek hozka egin ostean.
Bartzelonan bizi den gaztea "La Leze" kobazuloaren kanpokaldean zegoen, eta Aguraingo anbulantzia bat gerturatu da bertara. Minutu gutxira, ordea, Osakidetzak0 helikoptero bat bidali dute eta handik 40 kilometrotara dagoen Txagorritxuko Ospitalera eraman dute zauritua.
Marroi koloreko sugeari argazkiak atera dizkiote, eta ziur asko, medikuentzat lagungarri izango da gaztea sendatzeko.