Gizartea -
Ezbeharra
Zortzi pertsona hil dira Parisen, eraikin bat behera erorita
Horrez gain, beste 15 lagun zaurituta daude, horietako lau, larri. Antza, gas ihes baten ondorioz izandako leherketak eragin du ezbeharra.
Erredakzioa
Zortzi pertsona hil eta beste hamabost lagun zauritu dira, horietatik lau larri, igande goizean Parisen lau solairuko eraikin batek eztanda egitean, Frantziako agintariek baieztatu dutenez. Oraindik argitzeke dauden arrazoiak tarteko, Paris kanpoaldeko Rosny-sous-Bois auzuneko eraikin batek eztanda egin eta behera erori da.
Larrialdi zerbitzuetako langileek 8 urteko mutiko baten, laurogei urtetik gorako emakumezko baten, emakume heldu baten eta nerabe baten hilotzak aurkitu dituzte hondakinen artean, besteak beste.
Frantziako Barne ministroaren arabera, litekeena da eztanda gas ihes batek eragin izana. Dena den, abian jarritako ikerketa argituko ditu leherketaren zergatiak.
