Gizartea -
Gertaera Iruñean
Gizon bat atxilotu dute Mendillorrin, ume bat sastakatzea egotzita
Atxilotua Udaltzaingoaren egoitzara eraman dute, eta hurrengo orduotan utziko dute epailearen esku.
Erredakzioa
Adineko gizon bat atxilotu du Udaltzaingoak Mendillorrin (Iruñea), adingabe bati sastakaia sartzea leporatuta.
Adingabea bart zauritu zen, toraxean, arma zuri batekin. Hasiera batean, banda latinoen artean izandako liskar batean zauritu zutela zabaldu zuten.
Atxilotutako gizonezkoa Udaltzaingoaren egoitzara eraman dute, eta hurrengo orduotan utziko dute epailearen esku.
Javier Morras Presidentetza, Justizia eta Barne kontseilariak gaur azaldu duenez, ikerketaren arabera ez zuten antolatutako taldeek parte hartu borrokan.
Morrasen hitzetan, erasoa borroka baten baitan gertatu zen, eta ez omen du talde antolaturik parte hartu bertan.