Gazte bat atxilotu dute pisukidea hiltzen saiatzea leporatuta

Ertzaintzak 27 urteko gizonezko bat atxilotu du Donostian gaur, astelehena, goizaldean, hilketa-saiakera leporatuta, tamaina handiko labana batekin harekin bizi den pertsona bat sastatzen saiatzeagatik, zor bat ordain zezan.

Jaurlaritzako Segurtasun Sailak jakinarazi duenez, 02:30 aldera, Ertzaintzak abisu bat jaso du. Biktimak berak eman du gertatutakoaren berri, eta pisukide bat bera sastatzen saiatu dela salatu du.

Polizia bertaratu da eta hiru pertsona identifikatu ditu; liskarrean parte hartu duten bi pertsonak eta lekuko bat. Salaketaren arabera, ustezko erasotzailea biktimaren gelan sartu da eta, bi aizto handirekin mehatxatu eta gero, horietako batekin hiltzen saiatu da, zor omen zion dirua ordainduko ez ziola ikusi eta gero.

Biktimak, ordea, ihes egitea lortu du eta, lekukoak biak banandu eta gero, biktimak 112 telefonora deitu du.