35 urteko espetxe-zigorra bere bi umetxoak hil eta izozteagatik

37 urteko Sara L.H.-ri 35 urteko espetxe-zigorra ezarri dio Sevillako Auzitegiak bi hilketagatik (17,5 urte hilketa bakoitzarengatik). Emakumeak bere bi umetxoak hil eta izoztu zituen Pilasen (Sevilla).

Iturri judizialek jakitera eman dutenez, gehienez 25 urteko kartzela-zigorra bete beharko duela azaldu du epaileak sententzian. Zigortuaren senitartekoentzako 300.000 euroko kalte-ordaina ezarri du epaileak.

Sara L.H. akusatuak bere bi haurtxo jaioberriak "ito" eta hil zituela azaldu zuen herri-epaimahaiak irailaren 17an. Umetxoen gorpuak poltsetan sartu eta etxeko bi izozkailuetan gorde zituen.

Sevillako Fiskaltzak eta akusazio partikularrak 40 urteko espetxe-zigorra eskatu zuten epaiketan. Bestalde, emakumeak seme-alabak ez zituela hil argudiatu zuen defentsak. Lur emateko izozkailuan sartu zituela esan zuen abokatuak, eta hori delitua ez dela erantsi zuen. Horregatik, inputatua aske uztea eskatu zuen defentsak.