Gizartea -
Desagerpena
Oiartzunen galdutako gizona hilda aurkitu dute
Senideek aurkitu dute 63 urteko gizonaren hilotza, Endarlatsako urtegian. Gorpua Iruñera eraman dute autopsia egiteko.
Erredakzioa
Ostegunaz geroztik Oiartzunen falta zen 63 urteko gizona hilda aurkitu dute senideek, larunbat arratsaldean, Endarlatsako urtegian.
18:30ean Nafarroako SOS zerbitzura deitu dute, aurkikuntzaren berri emateko.
Nafarroako suhiltzaileak eta foruzainak urtegira bertaratu dira eta gorpua uretatik atera dute. Ondoren, gorpua Iruñera eraman dute autopsia egiteko.
Foruzaingoak ikerketa abiatu du heriotza zerk eragin dion argitzeko.
63 urteko gizonaren familiak ostegunean eman zuen desagerpenaren berri, eta geroztik haren bila aritu dira Ertzaintza eta erreskate taldeak.
Hau zure interesekoa bada, baliteke beste gai hauek ere izatea