Gizartea -
Bizkaia
Bederatzi edukiontzi erre dituzte Sopelan
Hiru ordutan kiskali dituzte edukiontzi guztiak. Gainera, garrek ibilgailu bati kalte egin diote.
Erredakzioa
Bederatzi edukiontzi erre dituzte gaur, astelehena, goizaldean Sopelako hainbat lekutan, Segurtasun Sailak jakinarazi duenez. Ertzaintzak ikerketa abiarazi du gertatutakoa argitzeko.
Lehenengo sutea 03:30ean piztu da. Larrabasterra inguruan, hiru edukiontzi kiskali dituzte.
Ia ordu berean, beste edukiontzi bat erre dute Akilino Arriola kalean, eta beste hiru Iberre kalean, aipatutako iturrien arabera. Sopela erdigunean erre dituzte horiek guztiak.
Kasu horietan guztietan, suhiltzaileek itzali dituzte garrak, eta ez da bestelako kalterik izan.
Hiru ordu inguru geroago, 06:00ak aldera, beste edukiontzi bat erre dute Lizarre kalean, eta suak kalteak egin dizkio inguruan zegoen ibilgailu bati.