Gizartea -
Lan istripua
Nekazari bat hil da Gasteizen, uzta biltzeko makinak harrapatuta
Ezbeharra 17:15ak aldera gertatu da, A-3302 errepidetik gertu dagoen lursail batean, Mendoza eta Tresponde artean.
Erredakzioa
85 urteko nekazari bat hil da igande honetan Gasteizen, uzta biltzeko makinak harrapatuta.
Eusko Jaurlaritzako Segurtasun Sailak jakinarazi duenez, ezbeharra 17:00ak aldera gertatu da A-3302 errepidetik gertu dagoen lursail batean, Mendoza eta Tresponde artean.
Antza denez, ezbeharra gertatu den unean erremolatxa biltzen ari zen gizona, eta makinaren kolpearen eraginez, tokian bertan hil da. Poliziak ikerketa abiatu du istripua zerk eragin duen argitzeko.
Gorpua Gasteizko Institutu Anatomiko Forentsera eraman dute.