Gizartea -
Urtebete Hode Egiluz gabe
Autokarabana batek Europa zeharkatuko du, Hodei Egiluzen bila
Autokarabanak Belgikako hegoaldea, Frantziako muga, Alemania eta Herbeheretako hegoaldea zeharkatuko ditu.
Erredakzioa
Autokarabana solidario bat abiatuko da ostiral honetan Galdakaotik (Bizkaia), eta Europako hainbat herrialde zeharkatuko ditu, Hodei Egiluz bilatzen laguntzeko.
Hain zuzen ere, Belgikako hegoaldea, Frantziako muga, Alemania eta Herbeheretako hegoaldea zeharkatuko ditu. Hiru pertsonak egingo dute bidaia.
Horrela, Hodei Egiluzen aldeko mezua orain arte iritsi ez den lekuetara iristea dute helburu, hala nola jatetxe sozialak, etxe okupatuak eta komisariak.
Autokarabanan izango diren hiru pertsonek mahai bat jarriko dute 10.000 biztanle baino gehiago dituzten herrietan, eta, horietan, bideoak eta txostenak banatuko dituzte.
Besteak beste, Alvaro Saiz izango da bidaiarietako bat. Galdakaoko Udalak azaldu duenez, herrian ospetsua da, ekimen solidario askotan hartu duelako parte.
