Gizartea -
Sexu erasoa
Bizilagunari sexu erasoa egiteagatik atxilotu dute Gasteizen
Emakumeak udaltzaingoaren laguntza eskatu zuen. Haiei adierazi zienez, “bizilagun batek inguratu egin zuen eta ukitu egin zuen”.
Erredakzioa
46 urteko gizonezko bat atxilotu zuten ostegunean Gasteizen atari bereko bizilagun bat behartzeagatik eta sexu erasoa egiteagatik, Gasteizko Udaltzaingoak jakitera eman duenez.
Arratsaldeko lauak eta erdian izan zen gertaera. Emakumeak udaltzaingoaren laguntza eskatu zuen. Haiei adierazi zienez, “bizilagun batek inguratu egin zuen eta ukitu egin zuen”.
Udaltzainei adierazi zienez, gertaera adin txikiko semeen aurrean izan zen. Gaineratu zuenez, usteko erasotzailearen atari berean bizi zenetik, “behin eta berriro” egiten zion jazarpena.
Patruila gizonezkoaren etxera joan zen eta atxiloketaren arrazoien inguruan berri eman ondoren, atxilotu egin zuten. Ez zuen oztoporik jarri eta polizia-bulegora eraman zuten.