Gazte bat atxilotu dute Bilbon, arma zuriz bi pertsona zauritzeagatik

Ertzaintzak 19 urteko gazte bat atxilotu zuen astelehenean, beste gizonezko batekin eztabaidatzen ari zenean labana batekin zauriak egitea egotzita. Horrez gain, liskarrean sartu zen beste pertsona bat ere zauritu zuen.

Ertzaintzak azaldu duenez, gertaera Lersundi kalean, Bilbon, jazo zen, 06:00etan. Bertaratu zirenean, agenteek bi pertsona zaurituta aurkitu zituzten, eta anbulantzia batek Basurtuko ospitalera eraman zituen.

Zaurituetako batek liskarra izan zuen ustezko erasotzailearekin, eta horrek ganibet batekin ebakiak egin zizkion. Eztabaidan sartu zen beste gizonezko bati ere zauriak egin zizkion eskuan.

Ertzaintzak astelehen arratsaldean atxilotu zuen ustezko erasotzailea, 19 urteko gizonezko bat, eta berehala utziko dute epailearen esku.