Lapur bat eta polizia bat hil dira Vigon, tiroketa batean

Lapur bat eta polizia bat hil dira ostiral honetan Vigon (Galizia), banketxe batean izandako tiroketa batean. Beste agente bat larri zauritu da.

Lapurreta 14:15ean izan da. Hildako polizietako bat, 36 urteko emakume bat, lekuan bertan artatzen eta suspertzen saiatu dira, eta ebakuntza-gelan hil da. Beste agente bat, 41 urteko gizon bat, larri ospitalera eraman behar izan dute, bala zauriak baititu.

Lapurretan lapur bat (ez dago argi zenbat ziren) ere hil da. Banketxeko zuzendariordea, 36 urteko emakume bat, bahituta zuen, eta, ondorioz, Poliziak negoziatzaile bat igorri zuen, baina azkenean ez zuten negoziatu, lapurra tiroka hasi zelako.

Lekuko batek 10-12 tiro entzun ditu, eta lapurrak eta poliziek tiroketa hiru metrora egin dutela azaldu du.