Gizartea -
Gaixotasuna
Basurtun ingresatutako gizonak ez du ebolarik, Osakidetzaren arabera
Guinea-Conakryko jatorria duen 32 urteko gizonezkoa Bilbon erietxean da bart gauetik.
Erredakzioa
Basurtuko ospitalean, ebola gaitza izan zezakeela eta, atzo gauean ingresatutako Guinea-Conakryko gizonezkoak ez du gaixotasun hori, Osakidetzak Euskadi Irratiari jakinarazi dionez.
Osakidetzak ebola gaitzaren kontrako protokoloa jarri zuen martxan atzo, Bilbon bizi den 32 urteko afrikarrak gaixotasunak jota egon zitekeelakoan. Egin dizkioten frogen arabera, baina, ez du ebolarik. Medikuen arabera, sindrome infekzioso akutua du gizonezkoak eta sukarra eta min handia du. Dena dela, egonkor dago gaixoa.
Gurutzetara joan zen gizona bart, eta handik, protokoloari jarraiki, Basurtuko ospitalera eraman zuten, gela isolatu batera. Gizonezkoa duela hilabete itzuli zen Afrikatik.
