Gizartea -
Gertakaria
Kokaina, speeda eta haxixa zeramatzan gizon bat atxilotu dute Eibarren
Gainera, zehaztasun handiko baskula, dirua, arma zuriak eta sakelako telefono batzuk atzeman dizkiote.
Erredakzioa
Ertzaintzak 36 urteko gizonezko bat atxilotu du Eibarren (Gipuzkoa) osasun publikoaren kontrako delitu bat leporatuta, kokaina, speed, marihuana eta haxix poltsatxoekin eta zehaztasun handiko baskula batekin, diruarekin, arma zuriekin eta sakelako telefono batzuekin harrapatu ostean.
Eusko Jaurlaritzaren Segurtasun Sailak jakitera eman duenez, goizaldeko bostak aldera atzeman du Ertzaintzak gizona, pub baten inguruan jokabide ezohikoa zuela ikusita.
Hori horrela, miatu egin dute, eta 11 kokaina poltsa, 30 gramo speed, 17 gramo marihuana eta haxix zati pare bat atzeman dizkiote.
Gainera, 650 euro, labanak, guraizeak, hiru sakelako telefono eta tablet bat ere ba omen zituen gainean.
Ertzaintzak osasun publikoaren kontrako delituagatik atxilotu du gizona, lehendik ere delitu beragatik aurrekariak zituena, eta gaur eramango dute epailearen aurrera.