Gizartea -
Gertakaria
Gizonezko baten gorpua topatu dute Bilboko itsasadarrean
Biktima joan den urtarrilaren 2an desagertu zen Basauriko bizilaguna da.
Erredakzioa
Gorpu bat topatu dute gaur goizean Bilboko itsasadarrean, ur gainean. Segurtasun Sailak jakinarazi duenez, biktima urtarrilaren 2an desagertu zen Basauriko bizilaguna da.
Hilotza 11:20 aldera ikusi du herritar batek, Zubi Zuri inguruan. Horren berri jaso bezain pronto abiatu dituzte gorpua uretatik ateratzeko lanak Bizkaiko suhiltzaileek eta Ertzaintzaren eta Udaltzaingoaren agenteek. Bilboko Udaletxe parean, Pio Baroja plaza ondoan dagoen pantalanera eraman dute hilotza uretatik atera ondoren.