Gizartea -
Trafiko-istripua
Gizonezko bat zauritu da Tuteran autoa zubi batetik behera erorita
Istripua 14:00ak aldera jazo da, Ebroko autobian, 96. kilometroan. Ibilgailua errepidetik atera eta zubi batetik behera erori da, 4 metroko altueratik.
Erredakzioa
Gizonezko bat zauritu da igandean Tuteran, ibilgailua zubi batetik behera erorita, Nafarroako Gobernuak jakitera eman duenez.
Ezbeharra 14:00ak aldera jazo da, Ebroko autobian, 96. kilometroaren parean. Ibilgailua errepidetik atera eta zubi batetik behera erori da, 4 metroko altueratik.
Suhiltzaileek auto barrutik atera ondoren (bakarrik zihoan), Sofia Erregina Ospitalera eraman dute, buruan traumatismoa baitzuen.
Hau zure interesekoa bada, baliteke beste gai hauek ere izatea