Gizartea -
Donostian
Gizon bat atxilotu dute adingaberen aurrean exhibizionismo egiteagatik
Eskolarako bidean zeuden bi adingabe harrapatu ditu 40 urteko gizonezkoak eta, prakak jaitsi ostean, sexu-organoak erakutsi dizkie.
Erredakzioa
Ertzaintzak 40 urteko gizonezko bat atxilotu du Donostian, bi adingabeen aurrean exhibizionismoa egitea leporatuta, Segurtasun Sailak jakitera eman duenez.
Jazoera ostiral honetan gertatu da, 08:00ak aldera. Eskolarako bidean zeuden bi adingabeak harrapatu ditu 40 urteko gizonezkoak eta, haren arreta deitu ostean, prakak jaitsi, sexu-organoak erakutsi dizkie eta masturbatzen hasi da.
Abisua jaso ostean, Ertzaintzak zonaldea miatu du, eta gizonezkoa aurkitu du Polloeko hilerritik hurbil. Gizona identifikatu eta gero, ertzain-etxera eraman dute, adingaberen aurrean exhibizionismoa egitea egotzita.