Hamar ibilgailu erre dira Errenterian izandako sute batean

Hamar ibilgailuk kalteak pairatu dituzte goizaldean Errenterian izandako sutean.

Ertzaintzak deia jaso du 03:30ean, Errenteriako Sorgintxulo kalean ibilgailu batek su hartu duela ohartarazteko, eta suhiltzaileek ordu eta erdi behar izan dute garrak erabat itzaltzeko.

Suak hamar ibilgailuri eragin die, Segurtasun Sailaren arabera: lau osorik kiskali dira eta gainerakoak kaltetuta geratu dira.

Ertzaintzak ikerketa abiatu du, sua zer dela eta piztu den argitzeko.