Bi ahizpa siamdar banandu dituzte Texasen, 26 orduko ebakuntza batean

Bi haurrak bularretik, biriketatik, bihotzaren estalki batetik, gibeletik, kolonetik, hesteetatik eta pelbisetatik lotuta zeuden.

Ebakuntzan 26 pertsonak hartu dute parte, tartean 12 zirujauk, sei anestesistak eta zortzi laguntzailek.

Umeak egoera kritikoan daude, baina medikuak baikor daude. "Biziraungo dutela uste dugu", adierazi du zirujauen buruak, Darell Cass doktoreak.

"Neskatoak bananduta eta ohe banatan ikustea uste baino hunkigarriagoa izan da; malkoz bete zaizkit begiak", adierazi du.