Auto-gidari bat zauritu da Elgoibarren, autobus batekin talka eginda

Institutu batera ikasleak zeramatzan autobus batek eta auto batek talka egin dute N-634 errepidean, Elgoibarren, 07:55ean, Ertzaintzak eitb.eus-i azaldutakoaren arabera. Auto-gidaria (25 urtekoa) bakarrik zauritu da.

Ertzaintzak errepidea itxi du bi noranzkoetan, ibilgailuak bertatik kendu eta galtzada garbitu arte, eta minutu batzuk geroago ireki dute. Suhiltzaileek atera behar izan dute auto-gidaria ibilgailutik, eta Mendaroko ospitalera eraman dute, anbulantziaz.

Ibilgailuak eraman eta bidea garbitu bitartean, herrigunetik bideratu dute zirkulazioa.