Gizartea -
Gertakaria
Burgosen topatu dute etxetik ihes eginda zegoen neskato bizkaitar bat
14 urteko neskatoa Burgoseko autobus geltokian aurkitu dute, Malagara joateko bidaia-txartela erosita zuela.
Erredakzioa
Poliziak Burgosen topatu du Bizkaian bizi eta etxetik ihes eginda zegoen 14 urteko neskatila bat.
Aitak alaba kiroldegi batean utzi zuen, baina haren bila joan zenean bertan ez zela ikusita, telefonoz deitu zion. Neskatoak ondo zegoela erantzun zion eta jarraian eskegi egin zuen. Lagunei galdetuta, alabak Malagara joateko bidaia-txartela erosi zuela jakin zuen aitak.
Gauzak horrela, Ertzaintza ohartarazi zuen eta adingabea bilatzeko protokoloa martxan jarri zuten.
Azkenean, Poliziak Burgoseko autobus geltokian aurkitu zuen neskatila, Malagara bidaiatzeko prest.
Hau zure interesekoa bada, baliteke beste gai hauek ere izatea