Gizartea -
Istripua
Oinezko bat hil da Zestoan, auto batek harrapatuta
Hildakoak 56 urte zituen eta herriko bizilaguna zen. Ertzaintzak ikerketa bat abiatu du gertaturikoa argitzeko.
O.A. | ERREDAKZIOA
56 urteko gizonezko bat hil da larunbat honetan Zestoan, auto batek harrapatuta.
Ertzaintzak jakinarazi duenez, ezbeharra gaueko bederatziak baino minutu batzuk lehenago gertatu da Gi-631 errepidean, Zestoan.
Bertaratutako osasun langileek oinezkoa artatu badute ere, tokian bertan hil da.
Ertzaintzak ikerketa bat abiatu du gertaturikoa argitzeko. Gorpua Donostiako Auzitegi Institutura eraman dute.
Hau zure interesekoa bada, baliteke beste gai hauek ere izatea