16 urteko gazte bat ito da besoa igerilekuan harrapatuta geratu ostean

16 urteko gazte espainiar bat, Madrilgo auzokidea, itota hil da larunbat honetan Marina d´Or hotel-gunean, Oropesa del Mar udalerrian, Castellon, Informaziorako eta Larrialdiak Koordinatzeko Zentroak jakitera eman duenez.

Ezbeharra larunbat honetan jazo da, 20:40ak aldera. Neska igerilekuaren urpean igeri egiten zebilela, besoa harrapatuta geratu zaio, eta atera ezinik, itota hil egin da.

Sorosleak larrialdi-zerbitzuei deitu die, eta bertaratutako SAMUko anbulantzia bihotzeko susperraldia egiten saiatu da, baina ezinean.

Epaitegi-Poliziak ikerketa abiarazi du jazoeraren nondik norakoak argitzeko. Hasierako ikerketen arabera, litekeena da 11 cm-ko diametroa duen sareta bat solte geratzea, horren ondorioz, ura irteteko bidea irekitzea, eta neskaren besoa bertan harrapatuta geratzea.