Gizartea -
Desagerpena Txantrean
25 urteko Iruñeko neska onik aurkitu du Foruzaingoak
Gaztearen familiak desagerpena apirilaren 21ean salatu zuen Foruzaingoaren aurrean. Iragan igandeaz geroztik ez zuten desagertuaren berririk senitartekoek.
Agentziak | Erredakzioa
Foruzaingoak Txantrea auzoko emakume gazte desagertua onik topatu du arratsaldean, Noticias de Navarra-k aurreratu duenez. Egun batzuk eman ditu desagertuta.
Nafarroako Gobernuko iturriek jakitera eman dutenez, gaztearen familiak desagerpena apirilaren 21ean salatu zuen Foruzaingoaren aurrean.
25 urteko neskaren desagerpenak sare sozialetan oihartzuna izan du; izan ere, herritarrei laguntza eskatu diete gaztea aurkitu ahal izateko. Iragan igandeaz geroztik ez zuten desagertuaren berririk senitartekoek.
Hau zure interesekoa bada, baliteke beste gai hauek ere izatea