Gizartea -
Nafarroa
Txirrindulari bat erori eta zauritu egin da Iruñeko Errondan
Bi txirrindularien atzeko eta aurreko gurpilek bat egin dute, eta horren ondorioz, hainbat txirrindulari erori egin dira. Horietako bat ospitalera eraman behar izan dute aldaka-haustura duelakoan.
AGENTZIAK | ERREDAKZIOA
Txirrindulari bat zauritu da gaur Iruñeko Errondan, PA-30 errepidean, erorikoa izan ostean. Nafarroako Gobernuak jakinarazi duenez, istripua 12:23ak aldera jazo da Arreko biribilgunetik hurbil, Ezkabako tunelak igarota (Irunerako noranzkoan).
Zauritua beste txirrindulari batzuekin zebilen. Ezbeharra gertatu da bi txirrindularien atzeko eta aurreko gurpilek bat egin dutenean eta, horren ondorioz, hainbat korrikalari erori egin direnean.
Erorikoaren ondorioz, 50 urteko txirrindulari bat Nafarroako Ospitalera eraman dute, aldaka-haustura duelakoan.