Gizonezko bat hil da Berrizeko saihesbidean, zirkulazio istripuan

Gizonezko bat hil da larunbat arratsaldean BI-633 errepidean, Berrizeko saihesbidean gertatutako zirkulazio istripuan. Hildakoak 29 urte zituen, eta Durangoko auzokidea zen. Auto bat bidetik atera da, etxe baten kontra jo eta su hartu du.

Ezbeharra 14:45an gertatu da Ondarroara bidean, antza denez, oraindik argitu gabeko arrazoiak tarteko.

Auto barruan hildako gizonezkoa bakarrik zihoan.

Istripuaren eraginez, bidea erabat itxita gelditu da eta, bien bitartean, zirkulazioa N-634 errepidetik bideratu dute.