Gizon batek labana batez mehatxu egin du Zumarragako banketxe batean

Gizonezko batek labana batekin mehatxu egin die banketxe bateko bezeroei eta langileei, Zumagarran (Gipuzkoa), baina ez du inor zauritu.

Eusko Jaurlaritzako Segurtasun Sailetik eitb.eus-i azaldu diotenez, gertakizuna 09:40an jazo da, Kutxabankek Secundino Esnaola kalean duen bulegoan.

Ordu horretan, gizonezko bat sartu da banketxean, labana bat eskuan, eta bertan zeudenei mehatxu egiten hasi da. Ertzaintzaren patruila bat bertaratu da, eta mendean hartu du erasotzailea.

Gizonezkoa ospitalera eraman dute, anbulantziaz, azterketa psikiatrikoa egin diezaioten.