Bi lagun zauritu dituzte arma zuriz, Pasaian izandako borroka batean

Bi pertsona zauritu dituzte gaur, larunbata, arma zuriz, Pasai Antxon, Pasaian, (Gipuzkoa) izandako borroka batean.

Eusko Jaurlaritzako Segurtasun Sailak eitb.eus-i jakinarazi diotenez, gertaera 6:25ean jazo da, Zumalakarregi kalean.

Larrialdi Zerbitzuak dei bat jaso du, hainbat lagun borrokatzen ari zirelako aipatutako lekuan; hori dela eta Udaltzaingoko hainbat agentek bertara jo dute.

Behin heldu direnean, pertsona bat topatu dute arma zuriz zaurituta; hortaz, Donostiako Ospitalera eraman dute. Gainera, beste bat artatu behar izan dute, zauri arinak izan dituelako, baina ez dute ospitalera eraman behar izan.

Handik gutxira, udaltzaingoek erasoaren ustezko egilea atxilotu dute.