Gizartea -
Ezbeharra
Ostiralean Gasteizen auto batek harrapatu zuen oinezkoa hil egin da
Istripuak eragindako zauri larrien ondorioz hil da. Gasteizko Udaltzaingoak baieztatu duenez, zebra biderik ez zegoen toki batetik zeharkatzen ari zen bidea.
AGENTZIAK | ERREDAKZIOA
Hil egin da ostiralean, Gasteizen, auto batek harrapatu zuen 53 urteko gizonezkoa. Gasteizko Udaltzaingoak baieztatu duenez, istripuak eragindako zauri larrien ondorioz zendu da.
Gizonezkoa Gasteizko Santiago ospitalean hil da. Ezbeharra ostiral gauean gertatu zen, zehatz-mehatz esanda, Aragoi kaleko lehen zenbakiaren parean.
Udaltzaingoak baieztatu duenez, zebra biderik ez zegoen toki batetik zeharkatzen ari zen bidea oinezkoa.
Poliziak ikerketa bat abiatu du ezbeharraren nondik norakoak argitzeko. Duela hiru hilabete txirrindulari bat hil zen Arabako hiruburuan, Sansomendi auzoko zebra bide batean, auto batek harrapatuta.
