Galeako itsaslabarretik gizon bat ateratzeko lanean dabiltza

Ertzaintzako helikoptero bat 30 urteko gizonezko bat erreskatatzen dabil Galeako itsaslabarrean, Getxon (Bizkaia), eitb.eus-ek jakinarazi duenez.

Gizona itsaslabarrean dago, 20 metrotara, eta ezin du berez bertatik atera. Hori dela eta, larrialdi zerbitzuei deitu die. Dirudienez, gizonak ez du zauririk, eta onik dago.

Erreskate-lanetarako Ertzaintzako hainbat agente, suhiltzaileak eta aipatutako helikopteroa mobilizatu dituzte.