Gizartea -
Lapurreta saiakera
Donostibuseko gidari bati eraso egin diote lanera zihoala
08:15ean hainbat lagun gerturatu zaizkio eta labana batekin eraso diote lapurreta egiteko asmoz, Udaletik jakinarazi dutenez. Donostia Ospitalera eraman dute, zauri arinekin.
Agentziak | Erredakzioa
Donostiako Donostibus autobus konpainiako gidari bati eraso egin diote goizean, autobus-geltokian, lanerako prest zegoela. 08:15ean hainbat lagun gerturatu zaizkio eta labana batekin eraso diote lapurreta egiteko asmoz, Udaletik jakinarazi dutenez.
Autobus-gidaria Donostibusen Groseko geltokian zegoen, lanean hasteko prest. Une horretan zenbait lagun gerturatu eta lapurreta egiten saiatu dira, labana batekin mehatxu eginda.
Gidariak berak deitu dio Donostiako Udaltzaingoari eta anbulantzia batek eraman du Donostia Ospitalera, zauri arinekin. Hainbat azterketa mediko egin dizkiote eta, larri ez badago ere, bertan uztea erabaki dute.