Gizartea -
Sutea
Iruñeko hainbat etxe jendez hustu dituzte, sute baten ondorioz
Inor ez da zauritu eta suhiltzaileen esku-hartzearen ondoren Iruñeko alde zaharreko bizilagunek beren etxeetara itzuli ahal izan dute.
AGENTZIAK | ERREDAKZIOA
Iruñeko alde zaharreko ostalaritzako lokal bat eta haren gaineko hainbat etxebizitza jendez hustu behar izan dituzte astelehen goizaldean, ostalaritzako lokal batean piztutako sute baten ondorioz. Dena den, inor ez da zauritu.
Iruñeko udaltzaingoak ohar bidez jakinarazi duenez, etxetik irten behar dutenen artean haurrak zeuden eta hotzetik babesteko Udaltzaingoaren ibilgailuetan sartu ei dira. Dena den, suhiltzaileen esku-hartzearen ondoren Iruñeko alde zaharreko bizilagunek beren etxeetara itzuli ahal izan dute.
Antza denez, arazo elektriko batek ke-laino handia eragin du. Udaltzainen esanetan, suhiltzaileen esku-hartzea deigarria izan bada ere, inork ez du minik hartu.