Gizartea -
Gertakaria
Onik aurkitu dituzte Jaizkibel inguruan falta ziren bi arrantzaleak
Haiekin batera zeuden beste arrantzale batzuek eman dute abisua, galdu dituztenean.
agentziak | erredakzioa
Ertzainek onik aurkitu dituzte gaur Jaizkibelgo kostan falta ziren bi arrantzaleak, Eusko Jaurlaritzako Segurtasun Sailak berri eman duenez.
Haiekin batera zeuden bizpahiru lagunek eman dute abisua 12:00ak aldera, galdu dituztela ohartu direnean. Dena dela, ez omen dute olatu handirik edo antzekorik ikusi, itsasoak eraman dituela pentsatzeko, aipatu iturrien arabera.
Segurtasun Sailak azaldu duenez, "ez da ezbeharrik izan, ez da ustekaberik izan". Antza denez, galdu egin dira eta 13:50ean onik aurkitu dituzte. Bi arrantzaleak bilatzeko lanetan Ertzaintzaren helikoptero batek, ertzainek eta suhiltzaileek parte hartu dute.