Gizartea -
Erletxeko industrialdea
Sute batek bulkanizatuen enpresa batean kalteak eragin ditu Galdakaon
Sua lantegiko teilatuan hasi da eta keak aldameneko enpresa bati eragin dio. Ez da inor zauritu, beharginik lanean ez zegoelako. Antza denez, sua matxura elektriko batek eragin du.
E. Lotina | eitb.eus
Sute batek kalteak eragin ditu Galdakaoko (Bizkaia) enpresa batean, Radio Euskadik jakitera eman duenez.
Sua 05:00ak aldera hasi da Gumuzio auzoan, Erletxeko industrialdean.
Antza denez, sua matxura elektriko batek piztu du. Ertzaintzak eta suhiltzaileek 06:00etan sua itzalitzat jo dute, baina suhiltzaile-talde batek bertan jarraitzen du segurtasun arrazoiengatik.
Ertzaintzak jakitera eman duenez, sua bulkanizatuen lantegiko teilatuan hasi da eta keak aldameneko enpresa bati eragin dio.
Ez da inor zauritu; izan ere, ez zegoen beharginik lanean ezbeharra gertatu den unean.
