Gizartea -
Errenteria
Kamioilari bat atxilotu dute Errenterian, beste gidari bat jotzeagatik
Enpresa batera sartzeko lehentasuna nork zuen eztabaidatzen ari ziren eta borrokan amaitu zuten. Jipoitutako kamioilaria ospitalean dago.
AGENTZIAK | ERREDAKZIOA
29 urteko kamioilari bat atxilotu dute Errenterian, beste kamioilari bat jipoitzeagatik, Segurtasun Sailak jakitera eman duenez.
Gertakariak astelehen gauean jazo ziren, Errenterian, enpresa bateko atarian. Lantegira sartzeko lehentasuna nork zuen eztabaidatzen hasi ziren eta bietako batek labana batekin mehatxu egin zion besteari, eta azken horrek ukabilkadaka erantzun zion.
Ertzaintzaren patruila bat bertaratu zen, eta erasotzailea atxilotu zuen. Zauritutako kamioilaria Donostia Ospitalera eraman zuten. Sudurra eta masailezurra hautsita ditu, eta bekainean ebakia dauka.
Atxilotutako kamioilaria datozen orduetan eramango dute epailearen aurrera.