Gizartea -
Zigorra hausteagatik
Gizonezko bat atxilotu dute Barakaldon espetxeratze agindu batengatik
Santanderreko Audientziak espetxeratze agindua zuen bere aurka. Gainera, indarrez egindako lapurreta bat egotzi diote, Igorren.
Agentziak | Erredakzioa
Ertzaintzak gizonezko bat atxilotu du Barakaldon. Espetxeratze agindua zegoen bere aurka, Santanderreko Audientziak eskatuta. Gainera, Igorreko etxebizitza batean indarrez lapurreta egitea egotzi diote.
Segurtasun sailak jakinarazi duenez, Ertzaintzak hainbat agente mobilizatu ditu eguerdian Barakaldon gizonezko hori atxilotzeko. Atxiloketa ilegala, indarrez egindako lapurreta, mehatxuak eta zigorra haustea egotzi diote.
42 urteko lagunak ihes egin zuen espetxetik, baimena amaitzean ez zelako bueltatu. Ertzaintzak zituen datuen arabera, Barakaldoko Ekonomia kalean zegoen etxebizitza batean zegoen, eta aramak zituela uste zuten. Atxilotu zuten unean, benetako su-arma bat zuen.
Ertzaintzak pertsona horren inguruko ikerketa zuen martxan, izan ere, Igorreko etxebizitza batean indarrez egindako lapurreta batean parte hartu zuela uste zuten.