Gizartea -
Loteria
Pasaiako administrazio batek lehen sariaren erdia saldu du
Hain zuzen ere, hiru zenbakidun administrazioak 22 654 zenbakiko 20 serie saldu ditu. Administrazioko arduradunek azaldu dutenez, inguruko taberna bati saldu dizkio bost serie.
Agentziak / eitb.eus
Erregetako Loteriaren lehen sariaren erdia Pasaian saldu da. Hain zuzen ere, 22 654 zenbakiaren 20 serie banatu ditu hiru zenbakiko administrazioak.
Itziar Maritxalar administrazioko arduradunak azaldu duenez, litekeena da saritutako zenbakiaren serietako batzuk itzuli izana. Hamar bat serie banatu dituela adierazi du; alegia 20 milioi euro.
Bost serie inguruan duen Laket tabernan saldu dituela esan du. Jende askok leihatilan erosi du dezimoa. Lehen aldia da administrazio honek horrelako sari bat saltzen duena.
