Gizartea -
Istripua
Bi kamioik elkar jo dute Muxikan eta gidariak harrapatuta geratu dira
Larrialdietarako zerbitzuek hiru ordu baino gehiago behar izan dituzte bi gidariak erreskatatzeko. Errepidea bi noranzkoetan itxita egon da.
EITB.EUS
Bi kamioik elkar jo dute arratsalde honetan Muxikan (Bizkaia) eta bi ibilgailuetako gidariak harrapatuta geratu dira, Eusko Jaurlaritzaren Segurtasun Sailak jakitera eman duenez.
Istripua 18:00ak inguruan gertatu da, BI-635 errepidean, Autzagane mendatetik Gernikarako bidean. Suhiltzaileek hiru ordu baino gehiago behar izan dituzte bi kamioilariak erreskatzeko.
Oraindik argitu gabe dauden arrazoiak tarteko, bi ibilgailuek talka egin dute eta errepidetik atera ondoren iraulita geratu dira.
Ezbeharraren ondorioz bi noranzkoetan itxi dute BI-635 errepidea, Muxikan.