Gizartea -
Iruñean
3 urteko kartzela zigorra eskatu dute semea amari ez emateagatik
Epai batek amari egotzi zion haurraren zaintza eta babespea, baina aita desagertu egin zen adingabea berekin eramanda eta urteetan zehar ez zuen haien berririk izan.
Erredakzioa
Fiskalak hiru urteko kartzela zigorra eskatu du semea amari emateari uko egin zion gizon batentzat. Nahiz eta haurraren zaintza eta babespea eduki, amak ez zuen bere semearen berririk izan urteetan zehar.
2002. urtean, bikotea banatzeko izapideak egiten zegoela, haien bi seme-alabak banandu egin zituzten, bata aitarekin eta bestea amarekin bizitzera bidaliz. Emakumeak helegite bat aurkeztu zuen epai horren kontra eta 2003an, epailearen erabaki berriak bi seme-alaben zaintza eta babespea amari egotzi zizkion.
Epaiaren berri izan ostean, auzipetuak "semea amari emateari uko egin zion" eta "haurra berekin eramanda desagertu egin zen" 2008ko urtarrilean amamarekin utzi zuen arte.
Fiskalak adingabeen lapurreta leporatu dio kartzela zigorra eta guraso-ahalaren egikaritza lau urtez etetea eskatuz.
Epaiketa datorren ostegunean egingo dute Iruñeko Instrukzioko 3 zenbakiko epaitegian.