Gizartea -
Nafarroa
Armatutako gizon batek lapurreta egin du Fontellaseko banketxe batean
Eskuan arma bat zuela eta burua estalita egin du lapurreta. Ihes egitea lortu du. Guardia Zibila haren bila ari da.
AGENTZIAK | ERREDAKZIOA
Gizonezko batek lapurreta egin du Fontellaseko (Nafarroa) banku-sukurtsal batean, Espainiako Gobernuak Nafarroan daukan ordezkaritzak jakitera eman duenez.
Gertakariak 10:10 inguruan jazo dira. Burua estalita eta eskuan arma bat zuen gizonezko bat sukurtsalean sartu da eta bertako langile bati mehatxu eginez lapurreta egin du. Oraingoz ez dute argitu arma benetakoa zen edo ez.
Guardia Zibilak ikerketa bat jarri du abian eta Espainiako Gobernuaren ordezkaritzak herritarrei laguntza eskatu die, gaizkilea atxilotzeko. Lapurretaren argazkiak publikatu dituzte Twitter sare sozialean.