Gizartea -
Basauri
Mutiko bat zauritu da, metroko eskaileretan hatzak harrapatuta
Umearen atzamarrak harrapatuta geratu dira eskailera mekanikoetan, eta suhiltzaileak bertaratu dira, baina teknikariek askatu behar izan dute azkenean.
AGENTZIAK | ERREDAKZIOA
Sei urteko mutiko bat zauritu da astearte arratsaldean Arizko (Basauri) metroko geltokian, atzamarrak harrapatuta geratu baitzaizkio eskailera mekanikoetan, Eusko Jaurlaritzako Segurtasun Sailak jakinarazi duenez.
Ezbeharra 18:20an jazo da. Suhiltzaileak bertaratu dira, baina azkenean teknikariek askatu behar izan dute haurra, eta Gurutzetako Ospitalera eraman dute.
Ertzaintzak ikerketa abiatu du gertatutakoa argitzeko.
Hau zure interesekoa bada, baliteke beste gai hauek ere izatea