Gizartea -
Trafikoa
Auto-ilarak Biriatun eta Armiñonen
Auto-pilaketak direla eta, Ertzaintza Gi-636 errepidetik bideratzen ari da Lapurdirako trafikoa.
Agentziak | Erredakzioa
A-8 autobidean, Biriatun, auto-ilarak sortu dira gaur goizean. Segurtasun sailak jakitera eman duenez, zazpi kilometroko auto-pilaketak zeuden goizeko hamarretan.
Egoera horren aurrean, Ertzaintzak trafikoaren zati bat GI-636 errepidetik bideratzeko erabakia hartu du.
A-1ean ere pilaketak sortu dira Armiñongo lotunean. A-1 eta AP-1 autobideek bat egiten duten lekuan lau kilometroko ilarak sortu dira.
Bizkaia eta Kantabria arteko errepidean ere trafiko handia dago, Kantabriarako noranzkoan. Autoak errepideko zenbait puntutan geldirik daude.
