71 urteko gizon bat atxilotua, lau adingaberi sexu-abusuak egiteagatik

Polizia Nazionalak 71 urteko gizonezko bat atxilotu du Alacanten, adingabeei sexu-abusuak egitea leporatuta, ohar baten bidez jakinarazi duenez.

Aipatu gizonezkoak haurrentzako parkeetan bilatzen zituen bere biktimak, eta opariak egiten zizkien haien konfiantza bereganatzeko. Atxilotuak aurrekariak ditu antzeko egintzengatik, eta espetxean 19 urte igaro behar izan zituen haiengatik.

Hasiera bateko ikerketa-lanak gizonezko horrengan portaera "arraroa" antzeman eta gero hasi ziren, zeren Poliziak behin baino gehiagotan ikusi zituen hainbat adingabe haren etxebizitzara sartzen.

Dagozkion ikerketen ostean, poliziek norbanakoa identifikatzea lortu eta sexu-abusuengatik, adingabeen prostituzioagatik eta haur pornografia hedatzegatik polizia-aurrekariak ikusi zuten.

Telefono mugikorra opari

Arrazoi hori dela eta, agenteek poliziek dispositibo bat ezarri zuten bere ustezko biktimetako bat, 15 urteko adingabe bat, identifikatzeko asmoz. Behin hori eginda, hark onartu egin zuen sexu harremanak zituela atxilotuarekin duela urte batetik. Adierazi zuenaren arabera, harremanak izateko konbentzitu zuen opari txikiak egin ostean.

Beste hiru biktima identifikatuta

Informazio horrekin agenteek gizonezkoa atxilotu eta bere etxebizitza arakatu zuten. Bertan aurkitutakoarekin poliziek jakin ahal izan zuten 9 eta 14 urte bitarteko beste hiru biktima zeudela.

Polizia haiekin jarri zen harremanetan, eta guztiek baieztatu zuten hilabeteak zirela sexu-abusuak jasaten zituztela.

Haur pornografiaren hedapena

Etxebizitzan aurkitutako miaketan ikusi ahal izan zenez, adingabeak biluzik azaltzen ziren argazkiak zituela egiaztatu zen.

Guardiako epaileak gizonezkoa espetxera eramatea agindu zuen bere eskuetatik igaro ostean.