Gizartea -
Gertakaria
Gidari bat atxilotu dute Iruñean kontrako noranzkoan joateagatik
Gizonezkoa abiadura handian zihoan eta aparkatuta zeuden hainbat auto jo ditu. Positibo eman du alkoholemia frogan.
agentziak | erredakzioa
Gizonezko bat atxilotu dute Iruñean mozkortuta kontrako noranzkoan abiadura handian gidatzeagatik eta aparkatuta zeuden hainbat ibilgailu jotzeagatik.
Iruñeko Udaltzaingoak jakitera eman duenez, bart izan da gertakaria, eta Arrotxapean atzeman dute gidaria.
Auzo horretan izan du istripua aparkatuta zeuden hainbat ibilgailuren kontra, eta ondoren baimendutakoa baino hiru aldiz alkohol-tasa altuagoa eman du.
Gidariari alkohola edanda eta ausarkeriaz gidatzea, agintarien kontrako atentatua eta zirkulazio istripua leporatzen diote.
Hau zure interesekoa bada, baliteke beste gai hauek ere izatea
