Britainiarrek sagardoa maite dute

The Guardian egunkari britainiarrak atzo argitaratu zuen Interneten Andre Hizckman kazetariaren euskal sagardotegiei buruzko erreportaje bat. Bihar, artikulua paperezko edizioan kaleratuko dute, "Espainian egindako bidaiei" buruzko argitalpen berezi batean. Kazetariak Zelaia sagardotegia buru duen Gipuzkoako hamar sagardotegirik onenen zerrenda aurkeztu du.

Testuan, kazetariak sagardotegien inguruko euskal ohitura gogoratu du eta 70eko hamarkadan koadrilak eta soziedadeak iazko uztak probatzeko eta eskariak egiteko nola biltzen ziren aipatu du.

Horrez gain, erreportajean hurrengoa irakurri daiteke: "Euskadin urtarriletik apirilera arte zabaltzen den sagardotegi garaian entzuten den oihu bakarra txotx hitza da eta sagardoa apurtzea esan nahi du. Une horretan, jendea baserrietako etxe txikietatik makurtuta kobazuloen antzekoak diren geletara iristen dira. Bertan, kupelen artean, basoa etzan eta gariaren koloreko sagardo hari fin batekin betetzen dute".

Onenak

"Sagardotegi bakoitzak bere nortasuna du, baina gurea beharbada familiei eta taldeei zuzendua dago", Jose Antonio Gaincerain Zelaia sagardotegiaren jabearen hitzak ere jaso ditu Hizckmanek bere testuan.

Zerrenda Lizeaga, Gurutzeta, Zapiain, Petretegi, Mina, Altzueta, Larre-gain, Alorrenea eta Calonge sagardotegiek osatzen dute.

Horietarik, The Guardianek kupelen inguruan sortzen den giroa eta bakailaoak eta txuletak osatzen duten menua azpimarratzen ditu.