Gizartea -
Gertakaria
60 urteko iruindar bat zigortuta, haur-pornografia izateagatik
2.160 euroko isuna ordaindu beharko du. 2012an jazo ziren gertaerak; orduan, agenteek akusatuaren ordenagailua miatu zuten.
Agentziak | Erredakzioa
Iruñeko herritar bati, 60 urtekoa bera, 2.160 euroko isuna ezarri diote, adingabekoak galbideratzeko delitu bat egotzita; hain zuzen, haur-pornografia izateagatik kondenatu dute.
Gai penaletarako 3. epaitegiak eman du epaia, eta aldeen adostasunarekin diktatu dute. Epaiaren arabera, 2012ko martxotik eta apirilera bitartean, akusatuak, "nahi lizunak asetzeko asmoarekin", eduki pornografikoko fitxategiak eskuratu zituen, non agertzen ziren adingabeak "mota guztietako sexu-praktikak egiten", irudi esplizituetan.
2012ko azaroan
Jarduera hori bere ordenagailuaren bidez egiten zuen; 2012ko azaroaren 22an miatu zioten ordenagailua, eta agenteek bi disko gogor eraman zituzten, bai eta hiru kanpo-disko ere, non eduki pedofiloko hainbat fitxategi zeuden. Akusatuak Internetetik deskargatuak zituen, eta karpeta batean gordeak.
Hori dela eta, akusatuak bederatzi hilabetean ordaindu beharko du isuna, egunero zortzi euro, eta prozesu-kostuak ere ordaindu beharko ditu.